Plagoset nga një makinë në lëvizje ish-punonjësi i Policisë Bashkiake
Nje person është plagosur me armë zjarri në zonën e Bibliotekës në Vlorë.

Mësohet se bëhet fjalë për shtetasin Marjon Mitro, pjesë e bandës së Julian Sinanit. Mitro është plagosur në këmbë, nga një makinë në ecje.

Ish punonjësi i policisë bashkiake Mitro është arrestuar disa herë për disa vepra penale, ndërsa akuzohet si porositës i disa shpërthimeve me tritol që kanë ndodhur më herët në Vlorë, mes të cilëve edhe ai ndaj prefektit të Vlorës Besnik Drevishi.

Njoftimi i policisë:

Vlorë/Informacion paraprak

Sot, rreth orës 10:00, në spitalin e Vlorës, ka shkuar i plagosur (dyshohet me armë zjarri, në rrethana ende të paqarta), shtetasi M. M., banues në Vlorë, i cili ndodhet nën kujdesin e mjekëve, jashtë rrezikut për jetën.

Gjatë krehjes së zonës, në aksin rrugor Vlorë- Selenicë, nga shërbimet e Policisë është konstatuar duke u djegur një automjet i braktisur i markës “Land Rover”, i cili paraprakisht dyshohet se mund të jetë i autorit të ngjarjes.

Vijon krehja e zonës nga shërbimet e DVP Vlorë, për identifikimin dhe kapjen e autorit/ve.

Grupi hetimor, në bashkëpunim me Prokurorinë, po punon për sqarimin e rrethanave të ngjarjes.
Shtuar më 26/01/2021, ora 12:34

Shkruani komentin tuaj!
Të fundit nga kjo kategori