Pjesë e bandës kriminale?! Kush janë dy vëllezërit që u vranë në Maliq
Një tjetër ngjarje e rëndë tronditi sot Shqipërinë. Dy vëllezër janë gjetur të vrarë me armë zjarri në Maliq të Korcës.

Ata janë identifikuar si vëllezërit Andrea Olldashi 33 vjeç dhe Martin Olldashi, 31 vjeç, banues në Pogradec. Këta shtetas, ishin larguar nga banesa e tyre që prej mbrëmjes së datës 7 dhjetor, ndërsa vrasja e tyre mbetet ende misterioze.

Trupat e pajetë të tyre janë gjetur sot, në fshatin Zvirinë, në afërsi të vendit të quajtur “Kisha e vogël”.

Që të dy vëllezërit, janë persona me precedentë të mëparshëm penal. Dyshohet se ata janë autorë të vendosjes së tritolit në lokalin e futbollistit Gjergji Leka në vitin 2012.

Ata dyshohet se janë pjesë e një grupi kriminal në Pogradec të cilët vendosnin gjoba ndaj biznesmenëve. Vëllezërit Olldashi njiheshin si përdorues të lëndëve narkotike dhe janë akuzuar si autorë të disa vjedhjeve.

Andrea Olldashi dhe Martin Olldashi, ishin të zhdukur që prej datës 7 dhjetor, u gjetën të vrarë në Maliq.

Shtuar më 10/12/2020, ora 14:43

Shkruani komentin tuaj!
Të fundit nga kjo kategori