Autoritetet malteze kanë arrestuar sëfundmi 27 vjeçarin shqiptar Bektash Muka, pasi ky i fundit akuzohet se kishte vjedhur 500 mijë euro bizhuteri në kryeqytetin e Maltës.

Ai është një emër i njohur edhe për Policinë Shqiptare pasi të paktën dy herë nuk i është bindur urdhrit të tyre për të ndaluar, duke dëmtuar gjithashtu edhe furgonin e policisë.

Në vitin 2016 ai përplasi makinën e tij tip BMW X6 për shkak të shpejtësisë pasi nuk iu bind urdhërit të policisë për të ndaluar.

Kjo pasi në rrugën” Sami Frashëri” shërbimet e policisë “Shqiponja” i kishin bërë me shenjë për të ndaluar mjetit me targa AA 858 NS. Atë kohë, Muka ishte në ndjekje për një sherr në të cilin ishte përfshirë .

Muka nuk iu bind urdhrit të “Shqiponja-ve” për të ndaluar dhe vazhdoi rrugën me shpejtësi dhe si rezultat në rrugën “Prokop Mima” u përplas me murin rrethues të një banese.

27-vjeçari me të njëjtën automjet, disa muaj më parë, përplasi furgonin e Policisë që përdorej nga “Shqiponjat”, të cilët edhe në atë rast përsëri i kishin bërë shenjë ndalimi.

Gjatë kontrollit në makinën e përplasur të Mukës, policia gjeti një pistoletë.