Përplasi për vdekje 27 vjeçarin dhe u zhduk, arrestohet autori
Një i ri është përplasur pak ditë më parë nga makina në Kavajë.

Si pasojë 27 vjecari humbi jetën, ndërsa autori u largua me shpejtësi nga vendi i ngjarjes.

Policia ka identifikuar dhe arrestuar autorin e dyshuar të aksidentit me pasojë vdekjen e shtetasit Ç. B., 27 vjeç.

Në pranga ka rënë shtetasi me inicialet A. Xh., 46 vjeç, banues në Kavajë, i cili pas ngjarjes u larguar me shpejtësi për t’i shpëtuar përgjegjësisë.

Policia ka këqyrur pamjet e kapura nga kamerat e sigurisë, si dhe ka gjetur edhe fenerin e dëmtuar nga përplasja me biçikletën me të cilin viktima ishte duke u kthyer nga puna për në shtëpi.

Materialet i kaluan për veprime të mëtejshme Prokurorisë së Rrethit Gjyqësor Kavajë në ngarkim të shtetasit të lartpërmendur për veprat penale “Shkelje e rregullave të qarkullimit rrugor” dhe “Largim nga vendi i aksidentit”, parashikuar nga nenet 290/3 dhe 273 të Kodit Penal.
Shtuar më 15/02/2019, ora 21:44
Shkruani komentin tuaj!
Të fundit nga kjo kategori