Denoncuan mjeken se nuk i shërbeu babait, procedohen penalisht dy motrat Lalo
Policia e Tiranës ka proceduar penalisht dy motrat Lalo, të cilat ditën e djeshme kanë denoncuar se mjekët e Infektivit nuk i kanë dhënë shërbim babait të tyre, Latif Lalo i cili ndërroi jetë.

Sipas policisë: Specialistët e Komisariatit të Policisë Nr. 4 filluan procedimin penal ndaj shtetaseve E. L. dhe I. L., sepse nëpërmjet rrjeteve sociale dhe medias së shkruar, kanë përhapur informacione të rreme për shtetasen M. Q., me detyrë mjeke. Punohet për sqarimin e rrethanave të ngjarjes.

Gjithashtu janë arrestuar në flagrancë 6 shtetas të akuzuar për vepra të ndryshme penale.

E. D., 22 vjeç u rrestua pasi në bulevardin “Bajram Curri”, gjatë kontrolli fizik dhe kontrollit të mjetit me të cilin ky shtetas qarkullonte u gjet një sasi me lëndë të dyshuar cannabis sativa.

Specialistët për Hetimin e Krimit në Komisariatin e Policisë Nr. 1 bënë arrestimin në flagrancë të shtetasve:

•B. L., 31 vjeç, pasi në Rrugën e Elbasanit ka kundërshtuar me dhunë, për shkak të detyrës, punonjësit e policisë së rendit publik.

•D. S., 43 vjeç, pasi ka ushtruar dhunë fizike dhe psikologjike ndaj bashkëshortes së tij dhe fëmijëve të tyre të mitur, të cilëve iu plotësua kërkesë-padia për lëshimin e menjëhershëm të urdhrit të mbrojtjes.

Nga specialistët për Hetimin e Krimit në Komisariatin e Policisë Nr. 2 u bë arrestimi në flagrancë, për veprën penale "Mashtrimi", i shtetasit M. I., 28 vjeç, sepse me datë 26.01.2021, me anë të mashtrimit, ka marrë me qira një mjet dhe nuk ia ka kthyer më shtetases I. J.

Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit Sh. Ç., 36 vjeç, pasi në Kamzë, ka ushtruar dhunë fizike ndaj vëllait të tij.

Nga specialistët e Qarkullimit Rrugor u bë arrestimi në flagrancë i shtetases G. Xh., 28 vjeçe, pasi u kap duke drejtuar mjetin në gjendje të dehur në masën 0.58 mg/l.
Shtuar më 18/02/2021, ora 13:04

Shkruani komentin tuaj!
Të fundit nga kjo kategori