PD nk ndryshon qëndrim, Paloka: PD nuk hyn në zgjedhjet e 13 tetorit me Ramën kryeministër!
Partia Demokratike nuk ka ndryshuar qëndrim, ajo nuk pranon të ulet në dialog me Edi Ramën Kryeministër. Një ditë pasi Fatmir Mediu zbuloi dështimin e realizimit të një tryeze mes mazhorancës dhe opozitës, nënkryetari demokrat Edi Paloka këmbëngul në kushtin e tyre të panegociueshëm , i cili duket si pengesa kryesore për uljen e palëve në dialog.

Partia Demokratike nuk ka ndryshuar qëndrim, ajo nuk pranon të ulet në dialog me Edi Ramën Kryeministër. Një ditë pasi Fatmir Mediu zbuloi për Top Channel dështimin e realizimit të një tryeze mes mazhorancës dhe opozitës, nënkryetari demokrat Edi Paloka këmbëngul në kushtin e tyre të panegociueshëm , i cili duket si pengesa kryesore për uljen e palëve në dialog.

“Pozicioni i PD nuk ka ndryshuar në asgjë. Rama si kryeministër nuk mund të ulet në tavolinë me PD dhe me opozitën. Si kryetar i PS është çështje e tyre, ne nuk mund të vendosim kush është kryetari i PS”, tha Paloka.

Ndryshe nga sa bënë aleatët e saj, demokratët nuk do dorëzojnë asnjë kërkesë për regjistrim për të marrë pjesë ne zgjedhjet e 13 tetorit të shpallura nga Ilir Meta, edhe pse njohin dekretin presidencial.

“Pjesëmarrja apo jo e PD lidhet me rrethana të tjera, për ne nuk është e rëndësishme data e zgjedhjeve. Për ne të rëndësishme janë standardet, por kjo nuk mund të shmangë institucionet zgjedhore nga detyrimi kushtetues për të zhvilluar procedurat”, tha ai.

Numri dy i PD-së lëshoi akuza të forta ndaj kryebashkiakëve socialistë, duke i paralajmëruar me ndëshkime ligjore kur të djathtët të vijnë në pushtet.



“Ata kanë marrë edhe pozitat e grabitësit të vërtetë, i thyen dyert, edhe atë që po marrin po e marrin me dhunë, se e di kushdo që vetëm me zgjedhje nuk kanë hyrë në ato zyra”, përfundoi ai.
Shtuar më 05/08/2019, ora 20:08

Shkruani komentin tuaj!
Të fundit nga kjo kategori