Pas sulmit me 250 viktima, shpallet fituesi i zgjedhjeve paqësore në Sri Lanka
Ish-ministri i Mbrojtjes Gotabaya Rajapaksa, do të jetë presidenti i ri i Sri-Lankës. Ai garonte përballë Sajith Premadasa, i cili e pranoi humbjen në zgjedhje ndërsa i uroi edhe fitore rivalit të tij.

“Është privilegj të nderoj vendimin e popullit dhe të uroj Gotabaya Rajapaksa-n për zgjedhjen si president i shtatë i Sri-Lankës”, tha Premadasa përmes një deklarate.

Mësohet se Rajapaksa ka kryesuar me 50.7 për qind të votave, ndërsa Premadasa 43.8 për qind. Partia e Rajapaksa-s e shpalli fitoren përmes një deklarate dhe i falënderoi votuesit për zgjedhje paqësore. Këto zgjedhje u mbajtën shtatë muaj pas sulmit të tmerrshëm masiv në disa kisha dhe hotele, ku mbetën të vrarë më shumë se 250 njerëz.

Shtuar më 17/11/2019, ora 17:44

Shkruani komentin tuaj!
Të fundit nga kjo kategori