Parashikimi amerikan: Sa viktima do të ketë Shqipëria nga koronavirusi deri në dhjetor
912 viktima nga Covid-19 parashikohen në Shqipëri deri në muajin dhjetor nga Instituti amerikan për Matjet dhe Vlerësimin e Shëndetit. Ky institut ka bërë projeksione për mënyrën si do të vijojë situata e pandemisë për të gjithë shtetet e botës.

Sipas IHME në Shqipëri, numri më i lartë i viktimave nga koronavirusi në një ditë do të vijë në 1 dhjetor. Deri në mbi 5,000 të infektuar dhe 22 viktima në një ditë parashikon Instituti që mat dhe vlerëson shëndetin për Shqipërinë.

Parashikimi del në përfundimin se numri i shtretërve që do të nevojiten nuk kalon gjysmën e atyre që janë në gjendje në vendin tonë.

Ky është një parashikim pozitiv, duke pasur parasysh se Insitituti parashikoi 1306 viktima deri në fund të tetorit, në raportin e parë publikuar më 6 korrik.

Raporti i IHME-së parashikon shifrat bazuar në situatën aktuale. Studimi parashikon se në spitale do të nevojiten 244 shtretër reanimator nga 142 pacientë që janë tani.

Numri i personave të infektuar çdo ditë, përfshirë edhe ato që nuk testohen për momentin mendohet të jetë 463 dhe në 1 dhjetor do të shkojë në rreth 5 736.

IHME ka vëzhguar se 25 përqind e popullsisë e mbajnë maskën dhe kjo shifër nuk do të ndryshojë gjatë gjithë kohës, ndërsa duhet të mbajnë maska 95 përqind e popullsisë.
Shtuar më 24/08/2020, ora 15:03

Shkruani komentin tuaj!
Të fundit nga kjo kategori