Pasojat e shpërthimit të HEC-it në Ukrainën Lindore nga Rusia parashikohet të jenë shkatërruese. Videot në mediat sociale tregojnë një seri shpërthimesh intensive rreth digës Kakhovka.
Autoritet ukrainase kanë publikuar në rrjet hartën e rrjedhës së ujit, ku sipas tyre disa nga vendbanimet pritet të jenë nën ujë pasi rrjedha të arrijë kuotat maksimale.
Oleksandr Prokudin, guvernatori i Khersonit, rajon në lindje të Ukrainës, ka njoftuar për evakuimin e banorëve nga zonat e rrezikuara nga përmbytjet, pas raportimeve se forcat ruse shkatërruan një sigë të lumit Dnjepër në Nova Kahovka.
????? — Map: The predictions of the proportions of the flood caused by the destruction of the Nova Kharkova Dam is that it will affect both Ukrainian and Russian settlements and cities, including Kherson itself
Some of the settlements are expected to be underwater once the… pic.twitter.com/g03MTSIzba
— dana (@dana916) June 6, 2023
“Brenda pesë orëve, niveli i ujit do të arrijë një nivel kritik. Ka filluar evakuimi nga zonat e rrezikshme. Unë u bëj thirrje veçanërisht banorëve në bregun e majtë [të Dnjeprit]: bëni gjithçka që është e mundur për ta mbrojtur veten dhe për ta shpëtuar jetën tuaj. Largohuni menjëherë nga zonat e rrezikshme”, tha Prokudin në Telegram.
“Unë mund ta konfirmoj se shpërthimi [ka ndodhur]…. Të gjitha shërbimet janë duke punuar. Situata po monitorohet. Hidrocentrali u hodh në erë nga pushtuesit”, i tha Radios Evropa e Lirë Natalia Humenyuk, zëdhënëse ushtarake për forcat jugore të Ukrainës.
Diga, 30 metra e lartë dhe 3,2 km (2 milje) e gjatë dhe e cila mban ujë të barabartë me Liqenin e Kripur të Madh në shtetin amerikan të Utah, u ndërtua në vitin 1956 në lumin Dnipro si pjesë e hidrocentralit Kakhovka.
Ajo gjithashtu furnizon me ujë gadishullin e Krimesë, të aneksuar nga Rusia në 2014, dhe centralin bërthamor të Zaporizhzhia, i cili është gjithashtu nën kontrollin rus.
Zyrtarët e vendosur nga Rusia thanë se nuk kishte ende asnjë rrezik për centralin bërthamor të Zaporizhzhia, termocentrali më i madh bërthamor në Evropë, nga shkatërrimi i digës./albeu.com/
