Nga sot Shqipëria ka “FBI”! Nisin nga puna 27 anëtarët e Byrosë Kombëtare të Hetimit

Nga dita e sotme Shqipëria ka “FBI”.  27 agjentë të Byrosë Kombëtare të Hetimit nisën ditën e sotme punën, pas muajit të parë të trajnimit bazë.

Nëntë u vendosën në OPGJ-në e ish-Krimeve të Rënda, 4 në Tiranë, 1 në Elbasan, 1 në Kukës, 3 në Prokurorinë e Përgjithshme.

Byroja Kombëtare e hetimit drejtohet nga Aida Hajnaj e cila mbas një kohe të gjatë e vetme në detyrë kryeson një institucion, që përfundimisht bëhet funksional dhe vendoset nën urdhrat e SPAK.

Anëtarët e BKH-së do të rekrutohen dhe monitorohen për dy vite nga ekspertët e Bashkimit Europian dhe Shteteve të Bashkuara të Amerikës.

 


Shtuar 9.08.2021 12:18