Ortakët e "Escobarit të Ballkanit": S'kemi lidhje me drogën, merremi me sufllaqe
Dhjetë persona të arrestuar si bashkëfajtorë për pjesëmarrje në grup kriminal me qëllim trafikimin e lëndëve narkotike kanë dalë sot përpara gjykatës për tiu përgjigjuar akuzave.

Ata kanë mohuar të kenë lidhje me drogën duke thënë se zhvillojnë tregti të ligjshme mes Shqipërisë, Greqisë, Belgjikës dhe shteteve të tjera europiane.

59 vjeçari grek me inicialet Th.A u shpreh se qëllimi i tij ishte koordinimi i importit të produkteve bujqësore dhe ushqimore nga Greqia drejt Hollandës.

56 vjeçari M.S nga ana e tij deklaroi se prej vitit 2014 shkonte në Hollandë dhe punonte në një fast-food ku shiteshin sufllaqe.

Ndërkaq 46 vjeçari J.A ka mbajtur tjetër qëndrim. Ai njihet edhe si i afërt me Klemend Balilin.

J.A tha se ishte përfshirë në trafikun e drogës të 673 kg hashash përmes ishullit Zakinthos dhe përmendi edhe 3 emra shqiptarësh me të cilët kishte bashkëpunuar për trafikun.

Ai tha se ishin mbajtur disa herë takime në Fier lidhur me transportin e lëndës narkotike.

Kurse 33 vjeçari K.P i cili punonte si shofer kamionësh në linja ndërkombëtare tha se fillimisht ka punuar në linjat e Bullgarisë dhe të Greqisë në mënyrë të ligjshme.

K.P tha se e kishte njohur J.A-në përpara 5 viteve dhe i kishin kërkuar transportin e drogës. /Albeu.com/
Shtuar më 21/05/2016, ora 23:08
Shkruani komentin tuaj!
Të fundit nga kjo kategori