Organizoi sërish dasmë, biznesmeni merr gjobën marramendëse
Policia e Durrësit ka vendosur 1 milion lekë gjobë dhe mbyllje të aktivitetit për një periudhë 6-mujore, ndaj një administratori të një lokali, pasi u konstatua se organizonte ceremoni martesore në mënyrë të përsëritur, në kundërshtim me Aktin Normativ.

Gjithashtu janë vënë në pranga edhe 3 shtetas, për vepra të ndryshme penale.

Strukturat e Drejtorisë Vendore të Pòlicisë Durrës, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në fshatin Verjon, Nikël, Fushë – Krujë, një lokal që organizonte ceremoni martesore në kundërshtim me Aktin Normativ, në mënyrë të përsëritur.

Për këtë subjekt me administrator shtetasin D. Ç., shërbimet e Pòlicisë kanë vendosur masë administrative 1.000.000 lekë dhe mbyllje të aktivitetit për një periudhë 6-mujore.

Pòlicia e Durrësit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
Shtuar më 03/08/2020, ora 11:37

Shkruani komentin tuaj!
Të fundit nga kjo kategori