Organizoi festë, studentja i ngjit koronavirusin të gjithë miqve
Disa persona kanë rezultuar të infektuar me koronavirus pasi morën pjesë në një festë në Selanik, sipas raportit të fundit të mërkurën. Festa u organizua në një vilë luksoze nga një studente nga Selaniku që studionte në Londër, e cila po festonte kthimin e saj dhe ribashkimin me miqtë.

Studentja, emri i së cilët nuk është bërë i njohur, kishte shkuar në Greqi me makinë nëpërmjet Bullgarisë. Ajo kishte qenë e detyruar të qëndronte në karantinë pas mbërritjes. Autoritetet thuhet se po përpiqen të kontaktojnë me të gjithë ata me të cilët ka bashkëvepruar kohët e fundit.

Mes shqetësimit për një rritje të infeksioneve të raportuara të Covid-19, Kryeministri Kyriakos Mitsotakis të martën mblodhi një takim të disa prej ministrave të tij për të diskutuar se si autoritetet mund të zbatojnë rregulloret e shëndetit dhe të sigurisë në mënyrë më efektive.

Shtuar më 10/06/2020, ora 12:51

Shkruani komentin tuaj!
Të fundit nga kjo kategori