OBSH: Vala e 3-të e koronavirusit do të jetë në pranverë, nëse nuk plotësohet ky kusht
David Nabarro, i dërguar special i Organizatës Botërore të Shëndetësisë për COVID-19 ka parashikuar se do të ketë një valë të tretë të pandemisë në Evropë, në pranverën e vitit 2021.

Ai ka thënë se kjo do të bëhet nëse qeverisë i përsërisin masat, që sipas tij, ishin dështim për parandalimin e valës së dytë të infeksioneve.

“Ne tani po përballemi me valën e dytë. Nëse ata nuk e ndërtojnë infrastrukturën e nevojshme, ne do të përballemi me valën e tretë në fillim të vitit të ardhshëm”, u shpreh Nabarro, britaniku i cili bëri fushatë për t’u bërë drejtor i përgjithshëm i OBSH-së në vitin 2017.

Evropa për pak kohë iu gëzua faktit që zbriti nivelet infeksioneve që tani po rriten përsëri. Gjermania dhe Franca raportuan të shtunën 30 mijë raste së bashku, Zvicra dhe Austria po raportojnë mijëra raste çdo ditë, derisa Turqia regjistroi një rekord prej 5,532 rasteve të reja.
Shtuar më 22/11/2020, ora 14:11

Shkruani komentin tuaj!
Të fundit nga kjo kategori