Gjykata e Posaçme ka miratuar kërkesën e bërë nga SPAK për arrestimin e ish-zv.kryeministrit Arben Ahmetaj, i cili akuzohet për korrupsion pasiv, fshehje të deklarimit të pasurisë, si dhe për pastrim parash.
Që prej ditës së diel GJKK ka firmosur kërkesën për arrestimin e Ahmetajt.
Gjykata e Posaçme, bashkë me lejen e kontrollit të banesave të Ahmetajt dhe familjarëve të tij si dhe sekuestrimin e disa pasurive, ka firmosur edhe urdhër arrest për të.
Nërkohë që sot SPAK i ka dorëzuar policisë kërkesën për arrestimin e Ahmetajt. Në orët në vijim pritet që ish-zv.kryeministri të shpallet në kërkim ndërkombëtar, pasi ai e ka lënë Shqipërinë dy javë më parë.
