Aksion i përbashkët Maqedoni e Veriut – Greqi, kapen 160 kg kokainë me vlerë 10 milionë euro

 Rreth 160 kilogramë kokainë e cilësisë së lartë është konfiskuar nga ana e policisë së Maqedonisë së Veriut dhe ajo greke në aksionin në Greqi të koordinuar me DEA-n amerikane.

Vlera e kokainës vlerësohet në mbi 10 milionë euro.

Është shkatërruar grup i madh i organizuar kriminel i cili ishte ndjekur një periudhë të gjatë, ndërsa janë arrestuar disa shtetas grekë dhe të Maqedonisë së Veriut

Nga MPJ e Maqedonisë së Veriut konfirmojnë se në rrjedhë është një aksion i madh, por hollësi paralajmërojnë pas përfundimit të plotë.