Ngjela në krah të Rudina Hajdarit: Duhet të prishte marrëveshja Rama-Berisha
Avokati Spartak Ngjela me anë të një statusi në Facebook ka shprehur mbështetjen e tij per deputeten e PD Rudina Hajdari pas deklaratave që bëri së fundmi në Kuvend.


Përmes një statusi në rrjetet sociale kreu i Partisë Ligj dhe Drejtësi i ka dalë në krah deputetes së re të opozitës në Parlament, Rudina Hajdarit ku gjatë fjalimit të saj ajo u shpreh se: “Sistemi elektoral i 2008-s është marrëveshja antidemokratike e uzurpimit me radhë të pushtetit”.

Ngjela ndan të njëjtin mendim me deputeten dhe thotë që ky do jetë dhe mendimi i Zëvendës/ ndihmës Sekretarit të Shtetit amerikan që do të vijë në Tiranë në datë 9 prill.

“Duhet të thuhet qartë nga politika amerikane që grupi i Sali Berishës nuk ka më punë me Parlamentin dhe pengesa që i bën Rama reformës në drejtësi, po ashtu, duhet denoncuar hapur përpara shqiptarëve.

Dyshja Rama-Berisha nuk është me shqiptarët dhe nuk punon për ta, por për korrupsionin e tyre vetjak që ka ardhur si pasojë e uzurpimitpushtetit.” shkruan avokati.

Postimi i plotë i Ngjelës:

Fjalimi i Rudina Hajdarit sot në Parlament, pritet të jetë edhe mendimi i Zëvendës/ ndihmës Sekretarit të Shtetit amerikan që do të vijë në Tiranë në datë 9 prill.

l.
Duhet të thuhet qartë nga politika amerikane që grupi i Sali Berishës nuk ka më punë me Parlamentin dhe pengesa që i bën Rama reformës në drejtësi, po ashtu, duhet denoncuar hapur përpara shqiptarëve.

Rama bërtet kot, se e di që pa Berishën është një i humbur. Por sigurisht që këtë e di tani edhe politika amerikane. Sot u pa në Parlament që këtë e di ndërkohë dhe e njeh shumë mirë si fenomen edhe deputetja Rudina Hajdari. Ajo e tha hapur në fjalimin e saj, kur u shpreh se: "sistemi elektoral Berisha-Rama është marrëveshja antidemokratike e uzurpimit me radhe të pushtetit nga Berisha dhe Rama".

Kjo është në fakt marrëveshja që pritet të godasë edhe zyrtari i lartë amerikan në datën 9 prill. A do të ndodhë? Të shohim.
Sigurisht gjithçka do të trajtohet së pari në gjuhë diplomatike të cilën Rama është mirë ta kuptojë.

ll.
Në një kohë që Berisha është vetëasgjesuar politikisht, çdo të bëjë Rama?
Nuk ka rrugë tjetër: ose do të nënshtrohet drejt reformës, ose do të luftohet politikisht me fakte konkrete nga Uashingtoni.
Kjo është rruga e politikës amerikane në favor të Shqipërisë dhe shqiptarëve.
Dyshja Rama-Berisha nuk është me shqiptarët dhe nuk punon për ta, por për korrupsionin e tyre vetjak që ka ardhur si pasojë e uzurpimitpushtetit.

Gjithsesi, asgjë nuk do të bëjnë dot. Reforma shqiptare dhe uniteti gjithëshqiptar në Ballkanin Perëndimor është tanimë një proces i pandalshëm dhe triumfues.
Shtuar më 04/04/2019, ora 11:33
Shkruani komentin tuaj!
Të fundit nga kjo kategori