Në Maqedoni grafite “vdekje për shqiptarët”
“Smrt za shiptari (vdekje për shqiptarët)” dhe kryqe janë shënuar në murin e xhamisë Isak që ndodhet në qendër të Manastirit.

Grafitet ofenduese për shqiptarët dhe slloganët supozohet se janë shënuar gjatë natës së mbrëmshme ose orëve të para të mëngjesit të sotshëm.

Xhamia Isak është xhamia më e madhe aktive për besimtarët mysliman nga rajoni i Manastirit. Ajo është e ndërtuar në shekullin e 16 dhe është një prej xhamive më të vjetra në rajon.

Myftiu i Manastirit, Pllumb Veliu, nuk ka dashur të komentojë ngjarjen. Pjesa më e madhe e banorëve të Manastirit i dënojnë grafitet e tilla dhe thonë se në Manastir ka bashkëjetesë të mirë mes të krishterëve dhe myslimanëve dhe konsiderojnë se kjo është vepër e disa kokave të nxehura, të cilët dëshirojnë të lëkundin bashkëjetesën ndëretnike.
Shtuar më 01/02/2012, ora 20:57

Shkruani komentin tuaj!
Të fundit nga kjo kategori