Të shtëna me armë zjarri kanë ndodhur mbrëmjen e djeshme në Fshatin Qerekë, në afërsi të Niklës, Krujë. Burime bëjmë me dije se dy persona kanë mbetur të plagosur .
Mësohet se dy personat në fjalë kanë qenë miq me njëri tjetrin, ndërsa kanë konsumuar alkool deri në orët e para të mëngjesit. Në tavolinën e tyre ka nisur një sherr që më pas ka përfunduar në përdorimin e armëve të zjarrit.
Njëri prej personave në fjalë ka marrë armën dhe ka qëlluar shokun e tij, në sherr e sipër ai ka mbetur edhe vetë i plagosur. Policia ka mundur të vërë në pranga autorin e armatosur dhe ka sekuestruar armën e zjarrit.
Policia ndodhet në vendngjarje dhe po punon për zbardhjen e rrethanave./albeu.com
