Myftiu Naim Tërnava me tezë magjistrature të kopjuar
Myftiu i Kosovës Naim Tërnava ka vjedhur pronën intelektuale të tjetër kujt. Nëse klikon në faqen e CIP thuhet se punimi i magjistraturës së kryemimamit të Bashkësisë Islame të Kosovës(BIK) ka disa pasues plotësisht identike me disertacionin e doktoraturës së predikuesit islam, Zia Abdullah, por pa e cituar atë, shkruan sot Koha Ditore.

“Tërnava përfshinë materiale si të ishte autor i tyre, bashkë me fusnotat të cilat iu referohen autorëve të hershëm, edhe pse ato janë përmendur edhe nga Abdullah”, thuhet në kumtesën e rrjeti transnacional i dijetarëve, i quajtur Qendra e Pluralizmit Islam (CIP), me seli në Washington.

“Duke u bazuar në një analizë të plotë dhe në një gjykim të paanshëm, Qenda e Pluralizmit Islam deklaron që këto zbulime tregojnë se Naim Tërnava definitivisht ka bërë një shkelje serioze të plagjiaturës akademike”, thuhet tutje në njoftimin e CIP.

Ndryshe, sipas CIP, i pari aktual i BIK, Naim Tërnava, tezën e tij të magjistraturës e ka kopjuar nga disertacioni i doktoraturës i predikuesit islam, Zia Abdullah, me titull “Efekti i Akides Myslimane në Udhëzimet sesi Duhet Sjellur”, dhe është miratuar më 1997-1998, nga Universiteti i Zaytuna’s, në Tunis.

Njoftimi i CIP për kopjimin e një pjese të mirë të tezës së magjistraturës nga ana e Tërnavës publikohet në kohën kur këtij të fundit po i skadon mandati i tij i dytë në krye të BIK’ut, dhe pasi që myftiu aktual i Kosovës ka shfaqur apetite që rikandidohet për këtë post.

Madje, për këtë qëllim supozohet se muajin e kaluar është ndryshuar edhe Kushtetuta e BIK’ut dhe është zëvendësuar kryetari i Kuvendit të këtij institucioni fetar, Xhabir Hamiti. Paraprakisht Hamiti kishte bërë publik synimin e tij për të kandiduar për myfti të ri të Kosovës. /albeu.com/
Shtuar më 05/09/2013, ora 12:30
Shkruani komentin tuaj!
Të fundit nga kjo kategori