Mustafa në Nju Jork, lobon për Kosovën (FOTO LAJM)

Kryeministri Isa Mustafa, shoqëruar edhe nga Hashim Thaçi, si dhe ministri i Integrimit Evropian, Bekim Çollaku ka zhvilluar në Nju Jork takime të ndara me liderë të tjerë të vendeve të ndryshme.

Mustafa ka takuar kryeministrin e Luksemburgut Xavier Bettel, shefin e delegecionit të Norvegjisë në punimet e AP të OKB-0së, si dhe me ministrin e Jashtëm norvegjez Borge Brende.

“Duke vlerësuar përkrahjen që Luksemburgu dhe Norvegjia kanë dhënë deri më tani, kryeministri Mustafa kërkoi mbështetje të mëtejshme për zhvillimin ekonomik si dhe fuqizimin e subjektivitetit ndërkombëtar të Kosovës, përmes anëtarësimit në organizata ndërkombëtare, me prioritet të veçantë në UNESCO dhe INTERPOL, si dhe agjendën integruese evropiane”, thuhet në njoftimin e kryeministrisë.

Në këtë njoftim është bërë e ditur se Kryeministri Mustafa po ashtu theksoi përkushtimin maksimal të Qeverisë së Kosovës për proceset integruese evropiane, duke bërë të ditur se Kosova tashmë i ka përmbushur kriteret për liberalizimin e vizave dhe nënshkrimin e Marrëveshjes së Stabilizim Asociimit, dhe se pret finalizimin e këtyre proceseve.

Kryeministri i Luksemburgut, Xavier Bettel, ka vlerësuar progresin që po arrihet në Kosovë, duke shprehur përkrahjen e shtetit të tij për Republikën e Kosovës.

Kryeministri Bettel po ashtu theksoi përkrahjen e Luksemburgut për proceset integruese të Kosovës si dhe ka shprehur vullnetin për thellimin e bashkëpunimit ndërmjet dy vendeve.

Edhe ministri i Jashtëm i Norvegjisë, Borge Brende, gjatë takimit ka theksuar përkrahjen e Norvegjisë për zhvillimin ekonomik si dhe për anëtarësimin e Kosovës në organizata ndërkombëtare. /Albeu.com/
Shtuar më 27/09/2015, ora 19:35

Shkruani komentin tuaj!
Të fundit nga kjo kategori