I dhunoi vajzën 14 vjeçare, arrestohet babai pasi mori peng adoleshentin
Poicia e Elbasanit ka arrestuar një 18 vjeçar pasi përndiqte dhe ushtronte dhunë fizike e psikologjike ndaj një të mitur.

Po ashtu u arrestua dhe babai i të miturës dhe shpallen në kërkim dy persona të tjerë, të cilët ushtruan dhunë fizike dhe i morën peng për disa orë 18-vjeçarin.

Konkretisht u arrestuan A. K., 49 vjeç dhe L. H.,18 vjeç, banues në Elbasan dhe shpallën në kërkim G. Sh., 46 vjeç dhe O. K., 20 vjeç, banues në Elbasan.

Arrestimi i shtetasit L. H., u bë pasi nga tërësia e veprimeve hetimore rezultoi se ky shtetas, ka përndjekur dhe ka ushtruar dhunë fizike e psikologjike ndaj një shtetaseje të mitur 14-vjeçare.

Ndërsa arrestimi i shtetasit A. K., (i ati i vajzës) dhe shpallja në kërkim e dy të tjerëve, u bë pasi këta shtetas në bashkëpunim mes tyre, ditën e djeshme dyshohet se kanë ushtruar dhunë fizike ndaj 18-vjeçarit L. H., si edhe i kanë hequr lirinë këtij të fundit, duke e mbajtur në një automjet për disa orë.

Materialet i kaluan Prokurorisë së Rrethit Gjyqësor Elbasan, për veprime të mëtejshme.
Shtuar më 19/08/2020, ora 10:34

Shkruani komentin tuaj!
Të fundit nga kjo kategori