MK realizon një sërë aktivitetesh me rastin e vizitës së Papa Franceskut
Pëlqej
Në kuadër të kalendarit të përbashkët kulturor dhe artistik ndërmjet Shqipërisë dhe Kosovës, Ministrisë së Kulturës së Shqipërisë dhe Ministrisë së Kulturës, Rinisë dhe Sportit të Kosovës, Galeria Kombëtare e Arteve, Tiranë në bashkëpunim me Galerinë Kombëtare të Kosovës në Prishtinë përuron ekspozitën retrospektivë të artistit Simon Shiroka, e cila do të hapet sot në orën 19.00.

Ekspozita “Simon Shiroka - Retrospektivë” kurohet nga Z. Erzen Shkololli, Drejtori i Galerisë Kombëtare të Kosovës. Veprat ekspozuara janë pjesë e koleksionit privat të Familjes Shiroka.

Artisti Simon Shiroka (1927-1994), i lindur në Prizren, është mjeshtër i madh i artit të realizuar në teknikën e filigramit.

Akademiku Eqrem Basha shkruan se nga tradita popullore, Shiroka nuk mori vetëm mjeshtërinë e përpunimit të argjendit dhe materialeve të tjera fisnike, por edhe figuracionin, ornamentikën popullore, etnografinë, por edhe psikologjinë dhe besimin e njeriut tonë. Nuk është vetëm totemia, folklori, mistika dhe ornamentika e shpirtit të kësaj treve dhe këtij populli ajo që e dallon krijimtarinë e tij artistike, por edhe një shpirt i veçantë i artistit, që me dashuri dhe fanatizëm të pazakonshëm digjej dhe jetonte për të.

Ekspozita do të qëndrojë e hapur deri më 5 tetor 2014. Ndersa Teatri Kombëtar EksperimentalKujtim Spahivogli” do të organizojë një mbrëmje poetike me poezi të Jeronim De Radës, shkëputur nga vepra “Këngët e Milosaos”.

Poezitë do të interpretohen nga aktorët e Teatrit Kombëtar EksperimentalKujtim Spahivogli” si Roland Saro, Adriana Tolka, Klodiana Keco dhe Laura Nezha.Poezitë do të vijë të shoqëruara nga tingujt e muzikës arbëreshe, interpretuar nga sopranoja lirike Ardita Meni dhe instrumentistë të talentuar.
Mbrëmjes do t’i shtohen gjithashtu edhe performancat koreografike të balerinëve të TKOB si dhe numra të zgjedhur nga artistë të Cirkut Kombëtar.

Mbrëmja poetike “Këngët e Jeronim De Radës” shënon inagurimin e Sallës Verore të Teatrit Kombëtar EksperimentalKujtim Spahivogli”.
Shtuar më 19/09/2014, ora 16:23
Shkruani komentin tuaj!
Të fundit nga kjo kategori