Miratohet ligji për dekriminalizimin
Kuvendi ka miratuar ligjin për dekriminalizimin, ligj ky që parashikon se personat që kanë poste publike dhe që kanë bërë shkelje në të kaluarën, duhet të japin dorëheqje.

Në ligj parashikohet se nuk mund të zgjidhen në poste të larta drejtuese persona me të shkuar të rëndë kriminale.

Sipas ligjit, janë parashikuar mbi 50 vepra të caktuara penale të rënda, shkelja e njërit nen prej të cilëve përbën precedent që personi mos të zgjidhet deputet, zyrtar në nivel kombëtar apo lokal.

“Funksionarët publik që janë emëruar në detyrë përpara hyrjes në fuqi të këtij ligji dhe që ushtrojnë funksionin e tyre me ose pa mandat, shkarkohen menjëherë nga detyra nëse konstatohet se përfshihen në rrethin e subjekteve që janë të përjashtuara sipas ligjit të posaçëm nga e drejta për t’u zgjedhur, emëruar apo për të mbajtur një funksion publik. Organi përgjegjës është i detyruar të nxjerrë aktin e shkarkimit nga detyra brenda 5 ditëve nga përfundimi i rezultateve të verifikimit”, – theksohet në amendamente, ku saktësohet gjithashtu se nëse titullari i institucionit nuk vepron brenda 10 ditëve, çështja i kalon për interpretim gjykatës kushtetuese. /Albeu.com/
Shtuar më 17/12/2015, ora 18:21

Shkruani komentin tuaj!
Të fundit nga kjo kategori