Ministri Shala sulmon fizikisht gazetarin (FOTO LAJM)

Endrit Shala, ministër i Tregtisë dhe Industrisë, ka sulmuar fizikisht gazetarin e Indeksonline, Ensar Ramadani.

Gjersa gazetari ishte në detyrën e tij, me bexhin zyrtar të punës, Endrit Shala e ka goditur në fytyrë pa asnjë arsye gazetarin e Indeksonline.

Siç raporton portali Indeksonline, gazetari po përcillte nga afër në QKUK gjendjen e zyrtarit tjetër të Nismës, Luan Malokut.


“Aty ka ardhur Endrit Shala i cili i ka kërkuar telefonin gazetarit Ramadani. Duke e ditur që ministri Shala nuk është polic, gazetari jonë nuk i ka dhënë telefonin atij, ai e ka sulmuar fizikisht duke e goditur në fytyrë”, shkruan Indeksonline.

Madje, sulmi fizik ka ndodhur në prezencë të Policisë te cilët nuk kanë reaguar fare, por vetëm i kanë thënë gazetarit të largohet nga aty.

Insajderi ka kontaktuar me ministrin në largim Shala, por ai i ka thënë gazetës që “s’ia vlen me më thirrë për këto far rrenash”.

Shala shërben si ministër i Tregtisë prej rreth një viti.
Shtuar më 17/12/2019, ora 22:14

Shkruani komentin tuaj!
Të fundit nga kjo kategori