GJKKO ka pranuar kërkesën për gjykim të shkurtuar të 16 të pandehurve për inceneratorin e Fierit.
Ndërsa për tre prej tyre që nuk kërkuan gjykim të shkutuar, u nda çështja.Me këtë vendim të pandehurit do të përfitojnë ulje të një të tretës së dënimit që do t’u caktohet.
Ata do përballen me akuzat e “Shpërdorimit të detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.
Lefter Koka është shprehur në disa seanca se akuzat ndaj tij janë të paprovuara, duke pretenduar se procesi është i montuar me qëllim që ai të goditet politikisht. Edhe ish-deputeti Alqi Bllako deklaroi se nuk ka pasur asnjë rol në dhënien e koncesionit.
/albeu.com/