Mijëra në shesh, besimtarët myslimanë falin namazin e Kurban Bajramit
Besimtarët myslimanë falën mëngjesin e sotëm namazin e Kurban Bajramit në Tiranë.

Në sheshin 'Skënderbej' besimtarët iu drejtuan Zotit me lutje për më shumë paqe dhe harmoni.

Kryetari i Komunitetit Mysliman të Shqipërisë Bujar Spahiu u shpreh se simbolika e kësaj dite është kurbani, si shenjë mirënjohje ndaj Zotit.

"Allahut i intereson devotshmëria jonë. Te Allahu nuk arrin as mishi dhe as gjaku i Kurbanit, por bindja ndaj tij. Sot në këtë ditë besimi Bajrami. Dëshmia e sakrificës na bën që ti jemi Zotit mirënjohës.

Kjo na nxit të jemi gjithmonë të gatshëm dhe të bëjmë sakrifica për fe dhe atdhe. Kurbani do të thotë afrim të njeriut me krijuesin. Njerëzit nuk duhet t'i ndërpresin shpresat te Allahu" tha ai ndër të tjera.
Shtuar më 11/08/2019, ora 07:42
Shkruani komentin tuaj!
Të fundit nga kjo kategori