Meta në konferencë: Nuk hapen negociatat, në shtator ngrihet forumi "Arbëresh"
Në kulmin e debateve për krizën politike, Presidenti Ilir Meta në orën 14:15 doli në një deklaratë për mediat ku njoftoi se "Po ju njoftoj me punën e bërë për të formalizuar si president në fillim të shtatorit të forumit 'Unë jam Arbëresh".

"Mandati im si ish student i dhjetorit dhe si politikan është i përgjegjshëm dhe i vërtetë se cilitdo tjetër. Nuk jam këtu ti bëj qokë askujt. E përsëris pa zgjedhje vendore gjithëpërfshirëse më 13 tetor mos prisni asnjë mrekulli të bjerë nga qielli më 18 tetor dhe më 19 tetor të gdhihemi me celje negociatash. Unë jam gati të jap përgjegjësi maksimale jo vetëm si president por dhe si një ish politikan aktiv", tha Meta.

Ndërkohë një gazetar pyeti Metën bazuar në ato që tha Rama pak më parë në konferencë: Për çfarë do i kërkonit ndihmë kryeministrit Edi Rama?

"Unë e falenderoj për solidaritetin e tij. Po të kem ndonjë problem shëndetësor shkoj tek doktori, askush nuk mund të më japë ndonjë ndihmë më të madhe se ai.

Nuk kam nevojë për piktura, se ai ka qenë tek unë, e di edhe ai, e dinë edhe të tjerë që kam shumë piktura të cilat i kam edhe dhurata. Nëse ka ndonjë gjë të veçantë edhe mund ta pranoja prej tij. Sa i takon parametrave të mi janë gjithmonë në përmirësim", tha Meta.
Shtuar më 30/07/2019, ora 14:27
Shkruani komentin tuaj!
Të fundit nga kjo kategori