"Më ngritën kurth", çfarë deklaroi zv.Ministri i Shëndetësisë teksa dha dorëheqjen
Zv/ministri i Shëndetësisë, Asim Musa, tha se videoja e djeshme e publikuar nga Fiks Fare, është një kurth i përgatitur ndaj tij. Ai tha se në video shihet se ai pacientëve, u ka treguar vetëm sa kushton kostoja e operimit për pacientë privat.

“Këto pacientë në thojza në vazhdimësi përpiqeshin të krijojnë kurth ndaj meje në çfarëdo forme. Përkushtimi, profesionaliteti, përballë egërsisë mediatike nuk ngadhënjejnë.

Çdo bashkëqytetarë i imi, dhe i Shqipërisë, çdo pacientë dhe çdo bashkëpunëtor, e ka të qartë se ky kurth e ka për qëllim të dëmtoj imazhin tim. Nuk do të lejoj që këtë imazh që e kam krijuar për 23 vite ta dëmtoj dhe që nuk kanë të bëj asgjë me realitetin”, deklaroi zv/ministri Asim Musa, raporton SHENJA.

Në vazhdim ai deklaroi se do të jep dorëheqje me qëllim që të zbardh deri në fund rastin.

“Në cilësinë e zv/ministrit të shëndetësisë, kisha nderin të veçantë tu shërbej qytetarëve dhe punën e kam bërë me shumë përkushtim. Nuk lejoj dot që kjo të rrezikohet nga propaganda politike. Ju njoftojë se kam vendosur të tërhiqem dhe të sqaroj këtë njollë që tentuan të ma bëjnë”, deklaroi mes tjerash Asim Musa.
Shtuar më 15/10/2019, ora 12:43

Shkruani komentin tuaj!
Të fundit nga kjo kategori