Anulimi i Champions League është opsioni që po e shqyrton UEFA.
Shtëpia e Futbollit Europian ditën e mërkurë do të zhvillojë një video-konferencë me 55 federatat nacionale për të marrë një vendim për situatën kaotike që ka shkaktuar pandemia e koronavirusit.
E përditshmja spanjolle “AS” raporton se ka mundësi që të diskutohet për anulimin krejtësisht të UEFA Champions League, e ndoshta edhe të Europa League.
Në konferencë do të shkëmbehen informata për përparimin e bërë nga dy grupet punuese që janë formuar dy javë më parë.
Aty do të diskutohet për datat e mundshme të rinisjes së ligave, merkatos dhe kontratat e futbollistëve.
