Mbajti vajzën e vogël për dy vjet në bagazh, dënohet mamaja monstër
Një gjykatë franceze dënoi me dy vjet heqje lirie një nënë që e mbajti të bijën në bagazhin e makinës së saj, rrethuar me krimba dhe jashtëqitje. Neglizhenca e saj si prind i shkaktoi të voglës sëmundje mendore të parikuperueshme.

Rosa Maria Da Cruz e mbajti të bijën Serena – më të voglën e katër fëmijëve – të fshehur deri në moshën dy vjeçare. Avokatët e saj thanë se Da Cruz nuk e pranonte faktin që kishte mbetur shtatzënë.

Në 2013-n, një mekanik zbuloi foshnjën në bagazhin e ndyrë të Da Cruz, kur ajo e çoi makinën tek ai për një riparim. Pasi dëgjoi një zhurmë, mekaniku hapi bagazhin dhe zbuloi dy vjeçaren të zhveshur, të pistë dhe të dehidratuar. E vogla ishte e rrethuar nga krimba dhe jashtëqitje.

Kur nuk e fuste në bagazh, Da Cruz e mbante vajzën në një dhomë bosh në një shtëpi në rajonin Correze të Francës qendrore.

Pas një procesi gjyqësor një javor në qytetin e Tulle, Da Cruz u dënua me pesë vite heqje lirie, tre prej të cilëve u pezulluan. U urdhërua që të monitorohej nga shërbimet shoqërore për pesë vite dhe të mbahej nën kujdesin e një psikiatri.

Ajo u dënua të premten mbrëma dhe do ta shlyejë dënimin e saj në qytetin e Limoges, por mund të aplikojë për lirim me kusht.

Rasti i “bebit në bagazh” shokoi gjithë Francën. Serena, e cila mbush 7 vjeçe javës që vjen, është lënë nën kujdesin e në familjeje bujtëse dhe vuan nga çrregullime serioze të shëndetit mendor, duke përfshirë autizëm të parikuperueshëm, të cilin mjekët ia atribuojnë deprivimit sensor në moshë të hershme.

Të premten, Da Cruz që përballej me 20 vite heqje lirie, kërkoi faljen e të bijës: “E kuptoj që e kam lënduar shumë dhe që s’do ta shoh më kurrë të voglën time.”

Partneri i Da Cruz, Domingos Sampai Alve, një murator i papunë, insiston se s’ia kishte idenë se partnerja e tij kishte sjellë në jetë një fëmijë tjetër.

“Nuk e di pse e bëri këtë,” i tha ai gjykatës dhe e përshkroi Da Cruz si “nënë të mirë” për fëmijët e tyre të tjerë, 9, 14 dhe 15 vjeç.

Gjykata u dha Da Cruz dhe Alves kujdestari mbi fëmijët e tjerë, të cilët një pediatër i përshkroi si “fëmijë të rritur më së miri” shkruan the guardian.

Avokatët e Da Cruz thanë se ajo s’e pranonte dot faktin që ishte shtatzënë dhe më vonë, s’pranonte dot ekzistencën e Serena-s. Ata i kërkuan gjykatës të mos dënonin “një grua të vuajtur”.

Gjatë gjyqit doli në pah fakti që ajo ua kishte fshehur shtatzëninë partnerit dhe fëmijëve. Da Cruz nuk donte të pranonte realitetin.
Shtuar më 17/11/2018, ora 23:30
Shkruani komentin tuaj!
Të fundit nga kjo kategori