Maqedonasit e Shqipërisë kërkojnë census të ri
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Maqedonasit në Shqipëri nuk i njohin rezultatet zyrtare të regjistrimit të popullsisë, i cili u realizua në tetor vitin 2011. Përfaqësuesit e minoriteteve maqedonase kërkojnë regjistrim të ri të popullsisë nën monitorimin e bashkësisë ndërkombëtare.

Kjo kërkesë është parashtruar nga kreu i pakicës maqedonase në Shqipëri, Edmond Temelko, i cili lexoi Deklaratën e përbashkët të partisë Aleanca e Maqedonasve për integrim europian, Unionin e Maqedonasve të Shqipërisë si dhe shoqatave maqedonase në Shqipëri, informon INA.

"Aleanca e Maqedonasve për integrim europian deklaron përpara opinionit publik shqiptar, institucioneve shtetërore dhe atyre ndërkombëtare, se nuk njohim rezultatet e publikuara zyrtarisht të Censusit 2011. Siç e paralajmëruam 1 vit më parë procesi i regjistrimit nuk ishte një proces i drejt, transparentë dhe përfshirës. Mënyra se si u zhvillua Censusi në tetor të vitit të kaluar dhe mbledhja e të dhënave mbi përkatësinë etnike është kryer me shkelje të shumta gjatë procesit. INSTATI nuk pranoi asnjë sugjerim të përfaqësuesve të minoriteteve, për përfshirje të përfaqësuesve të minoriteteve në komisione dhe me regjistrues, si dhe një kopje të formularit të liheshe në përdorim personit subjekt i deklarimit", thuhet në deklaratë.


Më tej në deklaratë thuhet se, ky Census nuk ishte aspak në përputhje me standardet europiane, dhe nuk tregon realisht strukturën etnike të popullsisë në Shqipëri.

Sipas rezultateve të regjistrimit të popullatës së Shqipërisë, si maqedonas janë deklaruar vetëm 5.870 persona, gjegjësisht 0,2% e popullatës e cila gjithsej numëron 2,89 milionë banorë. 0,89% grekë, ndërsa 0,3% romë dhe vlleh. /albeu.com/
Shtuar më 23/12/2012, ora 13:58
Shkruani komentin tuaj!
Të fundit nga kjo kategori
 
Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. 

Ai ka liruar te gjithe pasagjeret, por jo ekuipazhin e avionit

Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. Ai ka liruar te gjithe pasagjeret, por jo ekuipazhin e avionit