Një 40 vjeçar i cili ka tentuar të ecte mbi akull në Fier dhe një 12 vjeçar i cili ka qënë duke luajtur mbi akullin e liqenit, kanë humbur jetën gjatë ditës së sotme. Dy rastet janë konfirmuar nga uniformat blu.

12 vjeçari me inicialet F.G., ka humbur jetën në Tiranë, pasi luante mbi akullin e liqenit. Ngjarja është raportuar pak minuta më parë, nga blutë e Tiranës. Djali ka qënë duke luajtur, kur akulli është thyer. Ky rast i rende ka ndodhur në Mëzez, në zonën e Kasharit.

Burimet nga policia shtojnë se përpos djalit, ka qënë duke luajtur edhe një vajzë 15 vjeçare e cila ka shpëtuar. E reja me inicialet E.G., është jashtë rrezikut për jetën.

Më herët u raportua edhe për një 40 vjeçar që humbi jetën pasi tentoi të ecte mbi rezervuarin e ngrirë. Ngjarja e rëndë u shënua në fshatin Petovë në Fier, ndërsa mësohet se ka humbur jetën shtetasi Hajredin Xhelo. /albeu.com/