Ligji mbi Albpetrol, Braçe: Qeveria shiti pasurinë kombëtare
Deputeti i Partisë Socialiste Erion Braçe denoncoi edhe njëhere shitjen e pasurisë së vendit nga qeveria. Në një prononcim për televizionin Top Channel Braçe deklaroi se nëpërmjet procesit të privatizimit të Albpetrol, qeveria shiti edhe pasurinë kombëtare.

"Ndarja e prodhimit, që ishte e drejta që u lëshua dje me ligj të parlamentit nuk do të arkëtohet më në favor të qeverisë shqiptare dhe shtetit shqiptar, dhe të qytetarëve shqiptarë, por do të arkëtohet vetëm në interes të privatit. Tatim-fitimi u vërtetua dje se është zero lek, prej 8 vitesh nga këto kompani që operojnë në sektorin e naftës. Renta minerare është vënë vetëm në vitin 2008 e këtej dhe nuk e ka kaluar më shumë se 20 milionë dollarë në vit", tha Braçe.

Sipas tij nga një pasuri kombëtare që për vitin që shkoi ka arritur deri në 900 mijë tonë të prodhuar të nxjerrë nga nëntoka e këtij vendi e cila vlerësohet minimalisht në mbi 450-500 milionë dollarë, shteti shqiptar ka marrë vetëm 20 milionë dollarë. /albeu.com/
Shtuar më 22/03/2012, ora 18:27

Shkruani komentin tuaj!
Të fundit nga kjo kategori