Lidhje me botën e krimit, shkarkohet prokurori i Krimeve të Rënda
KPK ka shkarkuar nga detyra prokurorin e KrimeveRënda Përparim Kulluri.

Arsyeja e shkarkimit vjen pasi dyshohet se Kulluri ka lidhje me persona të botës së krimit, gjetje këto që iu deklaruan në seancën dëgjimore që u zhvillua të hënën.

Prokurori dyshohet se ka lidhje me një person të dënuar në Greqi për kultivim narkotikësh dhe po ashtu të gjykuar në Shqipëri për tentativë vrasje. Kullurit po ashtu iu vu në dukje se dyshohej që kishte bërë deklarim fiktiv të një dyqani në Orikum, për të përfituar një vlerë më të lartë dëmshpërblimi prej shpronësimit.

Trupa gjykuese e kryesuar nga Olsi Komici, me relatore Brunilda Bekteshi dhe anëtar Lulzim Hamitaj, i vuri në dukje prokurorit edhe mbylljen pa veprime të një çështje ndaj një prokuroreje të Prokurorisë së Tiranës.

Kulluri, i cili ka filluar karrierën e prokurorit në Vlorë në vitin 1999, kundërshtoi gjetjet e KPK-së. Ai mohoi kontaktin me personin e identifikuar si A.B dhe tha se kishte bërë deklarim të saktë në formularin e vetëdeklarimit.

Kulluri u emërua fillimisht në Prokurorinë e KrimeveRënda në vitin 2004. Në vitin 2008, Kulluri u emërua drejtues i Prokurorisë së Shkodrës, detyrë të cilën e ka mbajtur deri në vitin 2013. Me dekret të Presidentit të Republikës, ai është rikthyer sërish si prokuror i KrimeveRënda, detyrë të cilën e ushtron edhe aktualisht.


Shtuar më 06/11/2019, ora 09:10
Shkruani komentin tuaj!
Të fundit nga kjo kategori