La pas tre fëmijë, shqiptari humb jetën në aksidentin mes kamionëve
Një shqiptar ka humbur jetën në një aksident në Itali.

Ai është identifikuar si Ilir Filolli ndërsa aksidenti mësohet se ka ndodhur në zonën e Veronës. Sipas mediave italiane, 37 vjeçari me origjinë shqiptare, banues i Preganziol, humbi jetën duke lënë pas gruan dhe tre fëmijë.

Mësohet se në aksident u përfshinë dy mjete të tonazhit të rëndë, të enjten e 12 dhjetorit.

Hetimet zbuluan se dy kamionë u përplasën, për arsye të panjohura, pak para mesnate, rreth orës 23:40.

Njëri nga shoferët ishte shqiptari Ilir Filolli i cili humbi jetën në vend. Ndërsa shoferi i kamionit tjetër është në spital në gjendje të stabilizuar.

Policia dyshon se shkak i mundshëm i aksidentit mund të jetë bërë mjegulla e dendur dhe prania e akullit në rrugë.
Shtuar më 14/12/2019, ora 10:31

Shkruani komentin tuaj!
Të fundit nga kjo kategori