Kuvendi nesër seancë të jashtëzakonshme për ministrat e rinj
Ditën e nesërme Kuvendi do të mblidhet në një seancë të jashtëzakonshme në lidhje me emërimin e ministrave të rinj që janë propozuar nga kryeministri Edi Rama.

Mësohet se seanca është kërkuar nga vetë kryeministri dhe kryetari i Kuvendit, Gramoz Ruçi.

“Bazuar në nenin 74, pikat 2 dhe 3 të Kushtetutës dhe në nenin 42, pika 2 të Rregullores së Kuvendit, me kërkesë të Kryeministrit, njoftojmë se Kuvendi i Shqipërisë do të mblidhet në sesion të jashtëzakonshëm.
Kryetari i Kuvendit ka nxjerrë urdhrin nr. 1, datë 15.1.2019 me rendin e ditës të përcaktuar.
Bashkëlidhur kërkesa e Kryeministrit dhe urdhri i Kryetarit të Kuvendit”, thuhet ne njoftimin e Kuvendit.


LISTA
. Besa Shahini në vend të Lindita Nikollës
. Anila Denaj në vend të Arben Ahmetaj
. Bledi Çuçi në vend të Niko Peleshit
. Elva Margariti në vend të Mirela Kumbaros
. Eduard Shalsi në vend të Sonila Qatos
. Elisa Spiropali, Ministre për Marrëdhënie me Parlamentin
. Belinda Balluku, Ministre e Infrastrukturës dhe Energjisë në vend të Damian Gjiknurit
. Erion Braçe zv/kryeministër i ri në vend te Senida Mesit
Shtuar më 15/01/2019, ora 11:24
Shkruani komentin tuaj!
Të fundit nga kjo kategori