Kush janë "të fortët" e Niklës që RENEA u mësyu në banesë, çfarë u sekuestrua
Forca të shumta të RENEA-s kanë zbarkuar mbrëmjen e kaluar në fshatin Nikël të Fushë-Krujës.

Mësohet se operacioni është zhvilluar në disa banesa me vendim Gjykate dhe objektivi ka qenë kontrolli i disa banesave të personave me rekorde kriminale dhe precedent penal të mëparshëm.

Pjesë e kontrollit kanë qenë banesat e Valter dhe Durim Bamit, Ylli Çangut, dhe Ervin Kodrës. Në nëntor të vitit te kaluar Kodra i shpëtoi një atentati në fshatin Tapizë. Të 7 banesat që janë kontrolluar i përkasin personazheve që kanë precedentë dhe janë hetuar për vepra të rënda penale, përfshirë edhe vrasjen.

Mësohet se Policia dhe RENEA nuk kanë gjetur asgjë të jashtëligjshme gjatë këtyre kontrolleve, dhe u janë marrë vetëm disa aparate celulare.

Nikla është një nga zonat më problematike sa i përket veprimit të bandave kriminale, që kanë të bëjnë me aktivitetin e drogës, strehimit të personave me rekorde kriminale apo vrasjeve dhe atentave mafioze.

Nikla është zonë e krehur edhe herë të tjera nga policia për shkak të personave me probleme me ligjin ndërsa operacioni i mbrëmjes së kaluar është zhvilluar befasisht ç’ka ka zënë në befasi edhe banorët e zonës kur janë përballur me “shtetrrethimin” nga RENEA.

Njoftimi

Policia e Shtetit

Kontrolle në funksion të procedimit penal të ndjekur nga SPAK-u ndaj një grupi të strukturuar kriminal.

Kontrollet për sigurimin e provave që do t’i shërbejnë hetimit, të zhvilluara në zbatim të vendimit të Gjykatës së Posaçme të Shkallës së Parë Kundër Korrupsionit dhe Krimit të Organizuar.

Në operacionin e kontrollit të banesave në Nikël, Krujë, janë përfshirë Drejtoria Hetimore Qendrore në Drejtorinë e Përgjithshme të Policisë së Shtetit, Forcat Speciale Renea, Drejtoria e Forcës së Posaçme Operacionale, Drejtoria Vendore e Policisë Durrës e Drejtoria Vendore e Policisë Tiranë.

Gjatë operacionit të kontrollit, ku përdorën edhe dronë, janë zhvilluar kontrolle në 7 banesa, konkretisht:

Në banesat e shtetasve: Durim Bami, Valter Bami, Bedri Haka, Marklen Haka, Gentjan Koçi, Ylli Çangu dhe Ervin Kodra.

Gjatë kontrollit të banesave janë gjetur dhe sekuestruar prova materiale që do t’i shërbejnë hetimit në interes të procedimit penal.
Shtuar më 22/01/2021, ora 11:47

Shkruani komentin tuaj!
Të fundit nga kjo kategori