Vetëm pak orë pasi ish-ministri i Drejtësisë të Lëvizjes Socialiste për Integrim, Nasip Naço kaloi zyrtarisht në krahun socialist, një video ka qarkulluar kudo në rrjet.

Aty duket kryeministri Edi Rama i cili i kërkon Naços të takohet me ta dhe të konsumojë verë, ndërsa Lefter Koka në video i thotë kryeministrit se Naço është i pakënaqur me LSI-në.

Në video, ai permend Elona Gurin, një personazh shumë pranë Kryemadhit, të cilën kjo e fundit e ka ngritur në detyrë në LSI. Duket se sipas Kokes, Naço është mërzitur për faktin se Kryemadhi ka thirrur më shpejt Elonën se sa atë për të qarë hallet para fushatës.

Ndryshimi i kahut politik nga Naço ka shkaktuar jo pak komente, ndërsa vetë ai e quajti LSI-në në eksperiment politik.