Sipas MeteoAlb: MBETEMI në ndikimin e masave ajrore veriore, të cilat do të diktojnë mot të kthjellët por të ftohtë gjatë paradites. Mesdita dhe pasditja sjellin kalime vranësirash nëpër territor ku më të dukshme vranësirat do jenë në skajin juglindor duke rrezikuar reshje dëbore.

Temperaturat e ajrit ulen në mëngjes mbeten të pandryshuara në mesditë duke luhatur vlerat ditore nga -11°C deri në 7°C.

Era do fryjë mesatare dhe e fortë me shpejtësi 55 km/h nga drejtimi Verilindor duke krijuar në det dallgëzim 5 ballë.

Kosova

Pjesa e parë e ditës do të paraqitet me kthjellime dhe vranësira të herë pas herëshme por temperatura të ulta. Parashikohet që edhe pjesa e dytë e ditës të mbetet në të njëjtat kushte atmosferike.

Maqedonia e Veriut

Mot me kthjellime dhe vranësira kalimtare dominon në MV gjatë paradites. Mesdita dhe pasditja sjellin shpeshtim të vranësirave por nuk priten reshje.