Kryebashkiakët e djathtë presion Bashës: Nuk dalim nga zyrat
Kreu i PD, Lulzim Basha ka zhvilluar paraditen e së martës një takim me kryebashkiakët në ikje të Partisë Demokratike, për të diskutuar edhe formën e protestës që ata do të ndjekin.

Kryebashkiaket e djathtë që humbën mandatet thonë se nuk do t’i lëshojnë zyrat. Ata kanë zhvilluar një takim me kryetarin e Partisë Demokratike, Lulzim Basha në selinë e PD për të marre një vendim për hapat që do të ndiqen më tej.

Ende nuk është vendosur për formën se si do të vijojë protesta, por asnjë prej kryebashkiakëve të PD nuk e njeh 30 qershorin, e për këtë kanë deklaruar se nuk do t’i lëshojnë zyrat.

Por, kjo mund të sjellë një përplasje të re mes kryebashkiakëve që duhet të lënë zyrat dhe atyre që u zgjodhën në 30 qershor. Kjo përplasje, përveccse politike mundet të jetë edhe personale.

Në rastin e Shkodrës, Voltana Ademi ka qenë e prerë në qëndrimin e saj. Pas saj edhe Xhelal Mziu. Madje ky i fundit ka deklaruar se qytetarët nuk do e lënë të dorëzojë zyrën.
Shtuar më 24/07/2019, ora 16:43
Shkruani komentin tuaj!
Të fundit nga kjo kategori