Balerina mohon vjedhjen e iPhone 6s: 46-vjeçari u dashurua pas meje
Balerina e cila mori famë pas mesazheve erotike me reperin Noizy, ka rrëfyer të vërtetën lidhur me ngjarjen për vjedhjen e një celulari. Vajza e cila njihet si Kristjana Saxobeat, u ndalua nga policia, pasi u denoncua nga Lendi Stefani, për vjedhjen e “iPhone 6 plus”. Ajo ka deklaruar se akuza nuk është e vërtetë.

Vajza 18 vjeçare, në një status të fundit në “Facebook”, pretendon se biznesmeni në fjalë u dashurua marrëzisht pas saj dhe për t’i treguar këtë dashuri, i bënte dhurata.

Ajo thotë se edhe “Iphone 6 plus”, për të cilin u prangos, ishte dhuratë nga ai. Sipas saj, 46-vjeçari u nervozua nga fakti që ajo nuk i kthente vëmendjen e për këtë arsye erdhi edhe denoncimi.

“Kurrë nuk më ka munguar aparati celular, sepse jam rritur mes të mirave, duke përfshirë çdo gjë, në kuptimin e plotë të fjalës”, tregon Kristjana Saxobeat.

Balerina shpjegon se “L.S. u dashurua marrëzisht pas meje, saqë ai mund të më falte prona, makina etj.. Ai ia nisi mbarë me një dhuratë shumë të vogël, si ‘Iphone6s Plus’, gjë që mua nuk më bëri përshtypje, por e pranova me kënaqësi thjesht për të mos e ofenduar. Pasi unë nuk i përgjigjesha më, ai vendosi të shkonte në rajon duke më bërë një denoncim, duke menduar që do më bënte për vete, ose ndoshta nga inati ai shpiku dhuratën si emërtim ‘vjedhje’”. /albeu.com/
Shtuar më 03/09/2016, ora 09:18

Shkruani komentin tuaj!
Të fundit nga kjo kategori