Krimet e Rënda zgjasin hetimet për ish-drejtorin e Policisë së Vlorës
Prokuroria për Krime të Rënda mësohet se ka zgjatur hetimet për ish-drejtorin e Policisë së Vlorës, Jaeld Cela.

Ky i fundit është në arrati prej më shumë se një vit e gjysmë pasi akuzohet për trafik droge në bashkëpunim, me grupin “Habilaj”.

Kujtojmë se paak ditë më parë gjykata rrëzoi kërkesën e Jaeld Çelës i cili përmes avokatit të tij, kishte ankimuar zgjatjen e afateve hetimore.

Sipas Prokurorisë Cela rezulton i përfshirë në grupin kriminal të "Habilajve" pasi ka komunikuar përmes 3 numrave të telefonit me Florian Habilajn dhe Gentian Cekën, që është shoferi i ish ministrit të Brendshëm Saimir Tahiri.

Ish-zyrtari i policisë është shpallur në kërkim bazuar në një masë sigurie “arrest në burg” në mungesë në nëntor 2017. /albeu.com/
Shtuar më 20/02/2019, ora 13:34
Shkruani komentin tuaj!
Të fundit nga kjo kategori