Kosova , dobët në luftën kundër korrupsionit
“Krimi i organizuar dhe pasuria e paligjshme, pengesë për zhvillimin e Kosovës”, kjo ka qenë tema e diskutuar të premten në Mitrovicë nga Instituti Demokratik i Kosovës.

Në tryezën e organizuar nga ky institut është diskutuar për gjendjen aktuale dhe punën e institucioneve të Kosovës në luftën kundër krimitorganizuar dhe korrupsionit.

“Ky debat ka për qëllim që të vë në lëvizje institucionet shtetërore për të luftuar korrupsionin dhe dukuritë tjera që lidhen me krimin e organizuar”, tha drejtori ekzekutiv i KDI-së, Ismet Kryeziu në hapje të tryezës.

Ndërsa Ismet Kabashi, kryeprokuror i shtetit, ka thënë se Prokuroritë kanë bërë shumë pak në konfiskimin e pasurisë së fituar në mënyrë të paligjshme.
“Do ta luftojmë korrupsionin dhe brenda këtij viti do të ketë rezultate të shkëlqyeshme”, ka thënë kryeprokurori Kabashi.

Por për të luftuar korrupsionin është i rëndësishëm bashkëpunimi ndër-institucional ka thënë ministri i Punëve të Brendshme, Bajram Rexhepi .

Anna Jackson, zëvendës shefe e misionit diplomatik të Ambasadës Britanike në Kosovë, mision , që mbështetë këtë projekt, ka thënë se institucionet e Kosovës duhet të kalojnë nga premtimet për luftimin e korrupsionit dhe krimitorganizuar, në vepra konkrete.

Pjesëmarrësit në debat kanë kërkuar funksionalizim më të madh të institucioneve në luftimin e krimitorganizuar dhe korrupsionit. /albeu.com/
Shtuar më 27/05/2011, ora 15:20

Shkruani komentin tuaj!
Të fundit nga kjo kategori