Kledi Bahiti i revoltuar me ata që sulmuan Anxhela Peristerin: S'kanë b*thë të rrinë në treg (FOTO LAJM)

Anxhela Peristeri u shpall fituese e “Festivalit të Këngës” me këngën “Karma’. Ashtu si çdo vit për fituesin pati kontestime dhe madje kënga e Anxhelës u komentua gjatë. Pati nga ata që nuk e konsideruan si një këngë të denjë për “Eurovision” e të tjerë që u shprehën se fitorja ishte vendosur paraprakisht.

Një ndër këngëtarët që doli hapur kundër Peristerit, ishte Enxhi Nasufi. Menjëherë pas fitores, Enxhi bëri një postim thumbues në rrjete sociale për kolegen e saj.

“Gëzuar Baftjar! Një kuriozitet kisha unë. Kush është miza dhe kush bleta? Herë tjetër futini ndonjë kurs aktrimi kur merrni çmimin se s’di. Shihemi në festivale të tjera.”- shkroi ajo.

Po ashtu pas fitores së Anxhelës, edhe Rosela Gjylbegu u duk se hodhi kunja. Ajo publikoi një shprehje me spec të Dritëro Agollit dhe falenderoi të gjithë ata që e kishin mbështetur gjatë festivalit.

Vetë Anxhela nuk preferoi t’ju përgjigjej kritikave pas marrjes së kupës dhe i vetmi postim që bëri në rrjete sociale ishte një shkrim falenderues për të gjithë ata që e mbështetën në këtë rrugëtim. Mirëpo kantautori Kledi Bahiti, që ka bërë muzikën dhe orkestrimin e “Karma” ju është kthyer sot ashpër të gjithë atyre që dolën kundër këngës së Anxhelës.

“Ata që s’kanë b***ë të rrinë në treg e që kanë bërë vetëm dy këngë gjithë jetën e tyre mos të na çajnë shumë fërnellën… po plakeni duke vjellë tangërllik dhe fodullëk për disa merita që kaq shumë i keni kërkuar, epo keq më vjen arti është hof të shof… respekte”, ka shkruar Kledi shoqëruar në fund me emojin e gishtit të mesit.

Shtuar më 26/12/2020, ora 17:08

Shkruani komentin tuaj!
Të fundit nga kjo kategori