Kapet shqiptari manjak që ngacmonte vajzat në autobus
Karabinierët e stacionit policor në Giulianova, udhëtuan për ditë të tëra me rroba civile në linjat e transportit urban, duke arrestuar më në fund në flagrancë një ngacmues serial të nxënëseve që udhëtonin në linjat Giulianova Teramos dhe Giulianova Pescara.

Në pranga ka përfunduar një 52 vjeçar me origjinë shqiptarëve.

“Ilmessaggero” shkruan se ditët e fundit të muajit prill, vajzat e reja raportuan në polici se një burrë rreth 50 vjeç, duke përfituar nga ngjeshja e njerëzve në autobusët urbanë, i ngacmonte seksualisht të miturat. Një nga vajzat tregoi duke qarë se teksa flinte në autobus, ndjeu se po prekej në pjesët intime nga burri i ulur pranë saj.

Duke pasur parasysh delikatesën e rastit dhe për të parandaluar shkallëzimin e situatës, hetimet u iniciuan menjëherë nga policia, duke angazhuar agjentë me rroba civileautobusët urbanë.

Në një rast, një nga denoncueset, ndërsa ishte në autobus duke u kthyer nga shkolla, e njohu burrin duke bërtitur me panik.

Karabinierët ndërhynë menjëherë, duke ndaluar dhe identifikuar burrin, një 52 vjeçar shqiptar, banues në Giulianova. Vajza filloi të qajë, duke përqafuar dhe duke falënderuar forcat e rendit.

Gjykata i ka caktuar shqiptarit që të mos largohet nga zona dhe duhet të paraqitet çdo ditë në stacionin policor.
Shtuar më 16/05/2019, ora 19:35
Shkruani komentin tuaj!
Të fundit nga kjo kategori