Kapet kamioni me 200 kg kokainë, përshkoi 8 shtete
Prokuroria e Përgjithshme zbulon detaje rreth operacionit të anti-drogës, ku droga e trafikuar ishte e llojit kokainë dhe transportohej për në Shqipëri me bidona të mbushur me vaj palmash.


Lidhur me këtë çështje, Prokuroria ka deklaruar se kanë patur informacion më të detajuar lidhur me transportin e drogës e nisur nga Kolumbia. Në këtë operacion policor, uniformat blu sekuestruan 200 kg kokainë.


Itinerari që ka ndjekur kjo dërgesë ka qenë Kolumbi- Spanjë- Belgjikë- Austri- Slloveni- Kroaci-Serbi- Maqedoni- Shqipëri.

Pas kryerjes së këtij operacioni të koordinuar, u bë e mundur të bllokohet në qytetin e Gjirokastrës një kamion me targa maqedonase, KU 190 CF dhe KU 590 CE, në kontenierin e të cilit ka qenë e ngarkuar një sasi vaji palmash ku dyshohet se është tretur një sasi lënde narkotike e llojit kokainë.

Në këtë operacion janë shoqëruar disa persona të dyshuar, ndër të cilët edhe dy shtetas maqedonas nga Kumanova si dhe është ndaluar shtetasi shqiptar me iniciale Dh. H. Njëkohësisht po vijon puna për zbulimin dhe identifikimin e bashkëpunëtorëve të tjerë të këtij rrjeti kriminal.
Shtuar më 22/03/2011, ora 22:01

Shkruani komentin tuaj!
Të fundit nga kjo kategori