Kapen me 10 kg kanabis në makinë, arrestohen 5 trafikantë
Policia e Tiranës ka sekuestruar 10 kg kanabis në një automjet në afërsi të Rinasit, ndërsa janë arrestuar 5 shtetas si posedues të lëndës narkotike.

Pesë personat e dyshuar janë vënë në pranga në kushtet e flagrancës nga ana e Seksionit për Narkotikët në Drejtorinë e Policisë së Qarkut Tiranë, pasi blutë e kryeqytetit kishin marrë informacion se disa persona mirreshin me shitje të lëndëve narkotike.

Të arrestuarit janë Ergys Macuku, 31 vjeç banues në Tiranë ; Alban Qira, 25 vjeç banues në Borizanë; Pëllumb Qira 58-vjeç banues në Borizanë; Daniel Hida 33-vjeç banues në Tiranë; Erjon Daka 21-vjeç, banues në Tiranë.

Nga informacionet paraprake mësohet se droga kishte si destinacion tregun brenda Tiranës. /Albeu.com/
Shtuar më 14/10/2015, ora 00:23

Shkruani komentin tuaj!
Të fundit nga kjo kategori