KANCERI I GJIRIT/ 315 raste të reja më 2019, rritet numri i të prekurve për 4 % (VIDEO)
Numri i grave të prekura me kancer të gjirit nga viti në vit po rritet.

Krahasuar me vitin e kaluar, kur numri i grave të diagnostikuara me kancer gjiri ishte 350, këtë vit, vetëm deri në muajin tetor, janë evidentuar 315 raste, që i bie 3-4 përqind më shumë.

Në klinikën e Onkologjisë, thonë se ky trend ka tendencë të rritjes por nuk është diçka alarmante.

Kurtishi shton se është rritur vetëdijesimi i grave për t’u kontrolluar dhe për ta parandaluar këtë sëmundje malinje.

Onkologu Kurtishi tregon se cilët janë faktorët që shkaktojnë kancerin e gjirit.

Në Klinikën e Onkologjisë, ku aktualisht janë duke marrë trajtim të radioterapisë dhe kimioterapisë mbi 1,500 pacientë, Kurtishi thotë se nuk ka mungesë të medikamenteve.

Sidoqoftë, Kosova, shikuar mbi bazën e popullsisë, mbetet vendi me më së paku të prekur me këtë sëmundje në rajon.

Ndërkohë, onkologët nga Kosova e Shqipëria, në këtë muaj të vetëdijesimit, janë bashkuar për t’i shkëmbyer përvojat e tyre në luftën kundër kancerit.

Për të dymbëdhjetën herë radhazi, me moton "Zbulimi i hershëm është mbijetesë',të shtunën do të mbahet ecja tradicionale që synon ndërgjegjësimin e shoqërisë kundër kancerit të gjirit.
Shtuar më 26/10/2019, ora 08:37

Shkruani komentin tuaj!
Të fundit nga kjo kategori