Kamza nderon Zarife Hasanajn
Edhe Bashkia e Kamzës ka nderuar nëntetaren Zarife Hasanaj duke e shpallur "Nderi i Kamzës", pas vdekjes.

Titulli iu dorëzua familjarëve nga kryebashkiaku Xhelal Mziu.

"Sot më datë 14.5.2019, bëmë një vizitë në familje dhe i dorëzuam titullin "Nderi i Kamzës", nëntetare Zarife Muharrem Hasanaj me motivacion: “Për trimëri, kurajo, sakrificë sublime deri në flijim dhe luftën kundër terrorizmit për mbrojtjen e vlerave demokratike dhe paqësore në bazë të kuadrit të misionit ushtarak të NATO-s në Letoni".

Dëshmorja e Atdheut Zarife Hasanaj ndërroi jetë në 6 Maj gjatë misionit të saj në Letoni, ku i shpërtheu një minë.

Nga shpërthimi mbeti i plagosur rëndë komandanti i kontigjentit, Major Klodian Nikolla Tanushi, i cili ndërroi jetë pak ditë më pas dhe Rreshter Julian Xhevat Kapaj. /albeu.com/

Shtuar më 15/05/2019, ora 10:09

Shkruani komentin tuaj!
Të fundit nga kjo kategori